التوظيف الوهمي واقف عالطلبه عدل؟ بس الطلبه هم اللي يتوظفون توظيف وهمي وياخذون الدعم بدون وجه حق! اما غير الطلبه اللي يستلمون الدعم كلللللهم يستحقونه ويشتغلون فعليا مو وهميا
ماشاء الله عالاستنتاج والتفكير المنطقي
ماكو ناس شياب و عيايز موظفينهم وهميا بشركات ناس يصيرون لهم على انهم مناديب ولا سكرتاريه والمشكله مناصب ماتليق بسنهم ولا مستوى تعليمهم! لا لا ماكو من يقول في؟؟؟ غلطانين!
ماكو حريم قاعدين ببيوتهم لا شغله ولا مشغله متوظفين وهميا وينزلهم الدعم وينخصم منه حق التامينات وبعد جم سنه ينزلهم تقاعد!! من يقول!!
بس الطلبه هم اللي مسببين ازمة ماليه بالدوله بسبة توظيفهم الوهمي والحل الوحيد والجذري والقاطع والمقنع والمنطقي
نقطع الدعم عنهم كلهم من تاريخ 2-8
بس انت ياطالب ياللي متوظف وهميا قبل هالتاريخ حلال عليك الدعم تصرفه بالعافيه
بس الطالب اللي يشتغل فعليا وقدم عقب هالتاريخ يقضب الباب ويغسل ايده من الدعم
بعد هذا اللي ناقص يشجعون الطلبه على الشغل و الاعتماد على النفس!! فاضين نصرف عالطلبه؟
وانتوا ياللي تاخذون الدعم بالبوق سواء طلبه ولا لأ من يقول انكم مشكلين عبئ عالميزانيه و تنهبون فلوس الديره او تحلبونها على قوله واحد من الاعضاء!
تهنوا وتمتعوا بفلوس الديره حتى لو ماتستحقونها
مو عشان شي بس عشان احنا يا جهاز الهيكله الفاشل كسالى ومالنا خلق نسوي سيستم متطور ولجان عشان نكشف منو اللي يستلم الدعم بغير وجه حق
عاد احنا وين والتجيك وراكم وين
اقطع عرج و سيح دم و فك عمرك واقطع الدعم عن الطلبه
عاد زعلوا ولا قعدوا شعلينا منهم