غير قابل للمساومة
عضو مميز
السلام عليكم ورحمة الله وبركاته
ياجماعه هالموضوع هذا يمكن مار على البعض منكم ويكون مكرر ولكن حبيت انقله لكم لانه يذكرنا في ايام الطفوله ويام زمان وانا الي ذكرني في هالموضوع هو موضوع للجهراوين للاخ محمد العنزي وحطيت هالموضوع لنتذكر المواقف الي صارت معانا في ايام الطفولة
لنبدأ نتذكر المواقف وننطلق في رحلة الذكريات الجميله :إستحسان:
تذكرون لما .......
البنات لي حطوا دهن أو حنه يلفون شعرهم بكيس جمعيه ولا كيس خبز لبناني ولازم شعار المطاحن يكون فوق
لما يعض ايدك واحد على بو يسويلك ساعة
التصوير الفوري عند مصور الجمعية، لازم الخلفيه زرقه وتمشط شعرك بالمشط اللي عنده وعقب يقصلك الصورة بالآله اللي عنده ام ذراع والاطراف مشرشره
اول يوم دراسي يسلمونا الكتب كلهم مع بعض من الصغير للكبيرمربوطين بحبل مع 6 كشاكيل
لما كنا نلعب كره بالفريج وواحد من الفريق ناقص لاعب بعد ما يبيله قولجي دفاع هجوم ماشاءالله وطبعا كان اللعب لـي اذان المغرب اول ما يقول الله اكبر ينتهي اللعب يعني الصفاره
نتأثر بكعكي في افتح يا سمسم اللي ياكل بسكوت ونشتري بسكوت كاكاو ونقعد ناكل مثله
يوم الجمعةنقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب
بالصيف يسبحونا بالطشت والمغرافه الزرقه او الحمره وانتنافض من البرد وننطر متى يكتون علينا ماي
اغنيه ياوردتي يانديه روحي لخلي هديه كانوا اهل الكويت
ميتيــــن ويشوفون ويه البنت اللي كانت ترقص لانها كانت تنزل شعرها على ويهها لي يت صوب الكاميرا
ميتيــــن ويشوفون ويه البنت اللي كانت ترقص لانها كانت تنزل شعرها على ويهها لي يت صوب الكاميرا
لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووول
بالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووول
نربط الشرشف او الفله على رقبتنا يعني سوبرمان
ونصعد فوق الكبت وانط على الدواشق
ونصعد فوق الكبت وانط على الدواشق
شريط الشراغي الاحمر اللي اذا اخترب المسدس ما يبيله
حول على كعب الوالده وكمل عليه بالكاشي والا الوالده مكمله عليك بالكعب
حول على كعب الوالده وكمل عليه بالكاشي والا الوالده مكمله عليك بالكعب
نحط قوطي السانكست بالفريزر عشان يثلج مع العصير
الطوالي بونصين وكل ماتروح تبي تاخذه تلاقي الوالده منزلته تحت وماثلج
الطوالي بونصين وكل ماتروح تبي تاخذه تلاقي الوالده منزلته تحت وماثلج
كانوا الاولاد يغسلون الحوش بالويك اند وقمة الوناسه
لما نمسك المساحه واخر شي نطيح له سكيتنج على الكاشي
لما نمسك المساحه واخر شي نطيح له سكيتنج على الكاشي
نستقبل الحجاج عند الحدود من زود الفرحه و لما يجي دور
الصوغه الا هي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيره
الصوغه الا هي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيره
تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ
وراك وراك وهو يقول وينه يمين يمين
وراك وراك وهو يقول وينه يمين يمين
عزايم قبل الصماط مفروش على كبر الحوش اللي على صورة ميوه (فواكه) وريحته لازم ريحة مطبخ وقاعدين على المده ولما نقوم ريولنا كلها شخوط من المده
هبينا في مجلة المجالس وبصفحة كريمة شاهين اللي
يكتبون فيها انا فتاة ابلغ من العمر 18 سنه واحببت شابا حبا جما
ولا استطيع ان افارقه وتقدم لي اكثر من مره ولكن اهلي رفضوا
يكتبون فيها انا فتاة ابلغ من العمر 18 سنه واحببت شابا حبا جما
هبينا باغنيه سليمان الزيمان وليي في ربوع الشمال غرام حي وزنبقه طاهره والمسجل على قاري بمنتزه
الخيران وحد الصوت العالي وفراره بالمنتزه
الخيران وحد الصوت العالي وفراره بالمنتزه
لما بلشوا الشباب تدخين
كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف
واحد من الربع يدخن يسأله السؤال المعهود (ها فلان تكنها ولا ما تكنها ) ولازم مالبورو احمر شعار الرجوله
واحد من الربع يدخن يسأله السؤال المعهود (ها فلان تكنها ولا ما تكنها ) ولازم مالبورو احمر شعار الرجوله
ايام الدراسه قبل نشتري قلم فسفوري اصفر ولا برتقالي عشان نظلل على الشي المهم اخر شي مظللين
كل الكتاب وين الشي المهم
كل الكتاب وين الشي المهم
الكشخه قبل كانت عباره عن سيارة هوندا بيضه اكورد
باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم
باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم
لما تطوروا الشباب بالطلعه عقب سوق الديره والعماره
البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي
البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي
لما كانت جائزة البيبسي سياره بالمغاطي مالت البطول كنا
الظهر نروح الحوش الوراني ونبطل السحاحير كلها وبعدين نرد نسكرهم اي كلام والغازات كلها طايره ومتبخره وصاير البيبسي ماي
الظهر نروح الحوش الوراني ونبطل السحاحير كلها وبعدين نرد نسكرهم اي كلام والغازات كلها طايره ومتبخره وصاير البيبسي ماي
لما نتهاوش مع ولد الجيران ونقوله وخر عن بيتنا
ويقعد يحوس جبال البيت ويمر يمنا ويقول
ماحشتك ماحشتك
ويقعد يحوس جبال البيت ويمر يمنا ويقول
كمبيوتر صخر 170 عشان لعبة الأميرة أم الخواتم ورامبو
اللي يطير الطياره ولي دش الوالد حطينا شريط بنك المعلومات يعني استفاده
اللي يطير الطياره ولي دش الوالد حطينا شريط بنك المعلومات يعني استفاده
لما نروح السوق مع الوالد يشتري لنا خامات حق العيد اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش تقول فرقة التلفزيون
حجابات الحريم قبل بوربطه والنظارات هالكبر تقول داشين فلم دايمنشن والحين قاموا يخشون صورهم ولا يشقونهم من الفشله
شامبو درين اللي بغرشه حمره مادري ورديه يعني كان كشخه بس ياويلك يحوش عيونك 3 ايام انت عمي
لا بغوا الشباب يشيلون حديد قبل يعبون قواطي نيدو اسمنت
ويحطون بينهم بايب حديد وهوبا واخر شي منكسر ه ظهورهم
ويحطون بينهم بايب حديد وهوبا واخر شي منكسر ه ظهورهم
المسجلة السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله وروح سكشن فايف ترررن هاي سوبر فالكون
السشوار البيج بو جنطه بيضه تقول لاب توب مع الهوز جنه
خرطوم طياره تشغله قبله بيوم عشان يصير حار
خرطوم طياره تشغله قبله بيوم عشان يصير حار
الكشكول الادعم اللي في صوره بابا جابر الله يرحمه ومن
ورى صوره بعير والمسجد اللي بالضاحيه
ورى صوره بعير والمسجد اللي بالضاحيه
لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه
لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس الغزال
الموضوع منقول لنتذكر ايام زمان الحلوه :إستحسان:
يالله الحين نبي نتذكر ونشوف ذكريات الطفولة للاعضاء وياحبذا<--اهم شئ ياحبذا ترى متعوب عليها ان تقومون بالاستشهاد ببعض الذكريات المسرودة في الموضوع
دمتم بحفظ الرحمن ورعايته