الدخول لـمواليـد السبعينيات وأوائل الثمانينيات فقط!!!

[كاظمة]

و لا تنسون الخبز الايراني اللي نترسه دقوس بو ديج و نلفه و احنا في باص المدرسة بعد الهدة

ايه والله زمن

 

[مريم]

ذكريات حلوه ماتنسي


ياحلوه ذيج الايام

ياحلوه ريحتها

 

[غانم العبدالله]

بصراحة أنا من مواليد منتصف الثمانينات، لكن أنا شاهد على بعض الذكريات الموجودة، واللي كنت أشوف أخواني يسوونها، الشغلة الوحيدة اللي كنت أسويها هي (ربط الشرشف أو الدشداشة على رقبتي على بو سوبرمان)
وفي شغله يمكن نساها أخوي "غير قابل للمساومة" ، بذاك الوقت كانوا يحطون قوطي عصير السانكيست في التاير الأمامي للقاري علشان يطلع صوت مثل صوت السيكل
تقريبًا هذه الشغلة وغيرها اختفت للأسف

بالصيف يسبحونا بالطشت والمغرافه الزرقه او الحمره وانتنافض من البرد وننطر متى يكتون علينا ماي ​

نربط الشرشف او الفله على رقبتنا يعني سوبرمان

ونصعد فوق الكبت وانط على الدواشق ​

نحط قوطي السانكست بالفريزر عشان يثلج مع العصير
الطوالي بونصين وكل ماتروح تبي تاخذه تلاقي الوالده منزلته تحت وماثلج ​

 

[غانم العبدالله]

بصراحة أنا من مواليد منتصف الثمانينات، لكن أنا شاهد على بعض الذكريات الموجودة، واللي كنت أشوف أخواني يسوونها، الشغلة الوحيدة اللي كنت أسويها هي (ربط الشرشف أو الدشداشة على رقبتي على بو سوبرمان)
وفي شغله يمكن نساها أخوي "غير قابل للمساومة" ، بذاك الوقت كانوا يحطون قوطي عصير السانكيست في التاير الأمامي للقاري علشان يطلع صوت مثل صوت السيكل
تقريبًا هذه الشغلة وغيرها اختفت للأسف

بالصيف يسبحونا بالطشت والمغرافه الزرقه او الحمره وانتنافض من البرد وننطر متى يكتون علينا ماي ​

نربط الشرشف او الفله على رقبتنا يعني سوبرمان

ونصعد فوق الكبت وانط على الدواشق ​

نحط قوطي السانكست بالفريزر عشان يثلج مع العصير
الطوالي بونصين وكل ماتروح تبي تاخذه تلاقي الوالده منزلته تحت وماثلج ​

 

[حمد]

اكره سالفه عندي بالثمانينات لمن نروح شاليه الدوحة وقبل السباحة ممنوع احد يسبح لين يحطون على راسه حنة وعلى ويهه روب يعني يكون تان .

 

[الأم الكويتية]

أحلى أيام حياتي لما كنت أزور يدتي بشرق كنا نقعد وياها بالحوش على البساط و كانت لابسه الثوب الأسود الخفيف على نفنوفها الاسود الي في ورد صغار و ملفعها الي في ماشه ذهب و كانت تلمني و تبوس فيني و بعدين تعطينا فلوس و تقولنا روحو الدكان أحلى ابتسامة شفتها ابتسامة يدتي و أحلى بيت شفته البيوت الكويتية القديمة ريحتها لي الحين ببالي.

بس كنت اخاف من الحوض العود الي بالغرفة الطرفية ماي عميق و غامج كنت اخاف من لونه.

الله يرحمج يا يدتي و يرحم الكويتيين الأوليين.

 

[غير قابل للمساومة]

اوووو شخباااري شلون طحتوا على هالموضوع هذا من زمان منزله بالمنتدى

اريد ان احمل برامج كرتونيه بس ما اعرف كيف

ان في الهند ادرس وطفشان ابقى اي افلام كرتونيه مثل بال و سبستيان

هلا اخوي علي اولاً الله يوفقك في دراستك

ثانيا والله ياخوي مااعرف شلون طريقة التحميل ولكن اعتقد ان راح تحصل الي تبيه عند سيد غوغل وماراح يقصر معاك

اللللللللللللللللللللللللله غير قابل للمساومه ذكرتيني بالايام الحلوه
لي رجعه

هلابك يالمطيري فعلاً كانت ايام حلوه

و لا تنسون الخبز الايراني اللي نترسه دقوس بو ديج و نلفه و احنا في باص المدرسة بعد الهدة

ايه والله زمن

لا مو بس الخبز الايراني تذكر بفك بو سفينه ماادري بفك بولند كنا ماندري ان بعدين راح تجي مذيعة اسمها حليمة بولند <<<< شكووووو

ذكريات حلوه ماتنسي


ياحلوه ذيج الايام

ياحلوه ريحتها

اي والله ايام حلوه ويا حلو ريحتها ولا ريحة عطر كوستم ناشونال <<< ياجماعة ترى مو دعاية للعطر

بصراحة أنا من مواليد منتصف الثمانينات، لكن أنا شاهد على بعض الذكريات الموجودة، واللي كنت أشوف أخواني يسوونها، الشغلة الوحيدة اللي كنت أسويها هي (ربط الشرشف أو الدشداشة على رقبتي على بو سوبرمان)

المصيبة ان هالحركة سويتها وللحين اثرها موجود فيني وهو جرح قطعي في الجبهة

وفي شغله يمكن نساها أخوي "غير قابل للمساومة" ، بذاك الوقت كانوا يحطون قوطي عصير السانكيست في التاير الأمامي للقاري علشان يطلع صوت مثل صوت السيكل

من صجك اخاف طوفني بس الظاهر ماقريت مذكراتي <<< اخاف مذكرات احمد الخطيب بس

وكلها كوم وقواطي ((عصير السانكيست)) كوم لما كنا نحط القواطي في التاير الوراني للقاري
عشان يطلع صوت <===يعني سيكل

اكره سالفه عندي بالثمانينات لمن نروح شاليه الدوحة وقبل السباحة ممنوع احد يسبح لين يحطون على راسه حنة وعلى ويهه روب يعني يكون تان .

حنه وروب اخوي هذي خلطه سريه

أحلى أيام حياتي لما كنت أزور يدتي بشرق كنا نقعد وياها بالحوش على البساط و كانت لابسه الثوب الأسود الخفيف على نفنوفها الاسود الي في ورد صغار و ملفعها الي في ماشه ذهب و كانت تلمني و تبوس فيني و بعدين تعطينا فلوس و تقولنا روحو الدكان أحلى ابتسامة شفتها ابتسامة يدتي و أحلى بيت شفته البيوت الكويتية القديمة ريحتها لي الحين ببالي.

بس كنت اخاف من الحوض العود الي بالغرفة الطرفية ماي عميق و غامج كنت اخاف من لونه.

الله يرحمج يا يدتي و يرحم الكويتيين الأوليين.

الله يرحمها ويرحم جميع موتى المسلمين

اذكر عمي الله يرحمه كل مايشوفنا ينادينا انا واخواني ويعطي كل واحد ربع دينار وعلى ايامها الربع دينار يسوي شغل لو دشيت الفرع مو الحين تعطي واحد من العيال الصغار ربع دينار يمكن يتهاوش معاك
بس بيني وبينكم مايلامون الحين الربع دينار زين لو جابلك عصير ولا بيبسي

 

[العجيز]

للكبار فقط .. مواليد الستينات والسبعينات وأوائل الثمانينات بس

السلام عليكم ورحمة الله وبركاته

هذا اول موضوع اشارك فيه بهذا المنتدى الرائع.. صراحه اهو ملطوش واعتذر لأن اول مشاركه ملطوشه بس حبيت نلطف الجو قبل لا نبدأ المشوار وا نشاء الله يعجبكم لأني لاحظت اغلب الاعضاء ربي يعطيهم طولة العمر كبار نسبيا وهالشي شجعني على نقل الموضوع لاني من ضمنهم مواليد 1980 يعني داشه بالحسبه

نبدأ على خير؟؟؟

هيا بنا يا سنشيرو هههههههههههههه

1- تذكرون البنات قبل لي حطوا دهن في شعرهم ولا حنه كانوا
يلفون راسهم بكيس جمعيه ولا كيس خبز لبناني ولازم شعار المطاحن يكون فوق لوووول
.
2- تذكرونلما اييلك واحد مليق من العايله اكبر منك ويقولك تبي
اسويلك ساعه وانت تمدله ايدك ويقوم يعضك ذيج العضه اللي توارص
منها.
3-تذكرون لما كنا نصور فوري عند مصور الجمعية وطبعا غصبن عليك
الخلفيه زرقه مو بكيفك ولازم تمشط شعرك بالمشط اللي عنده كله
شعرووصاخه وبعدين يقصلك الصورة بالآله اللي عنده ام ذراع
والاطراف مشرشره يعني يكون حركه
.
4- تذكرون ايام حصة الموسيقى قبل كان الدرس لمدة سنه عباره عن
تــــــــــافــــــــــــاتيــــــــــي فـــــــــــي تاتي والصفقه
بصبعين بس .... صج كان منهج صعب
.
5- تذكرون لي شفت واحد عنده سيارة مرسيدس كان يحوشك فضول الا
تبي تعرف شنو اكو بالصيدليه اللي ورى بالسياره
ونقعد انطلطل بالسياره واخر شي يطلع( بلاستر وباندج)​

​

​

​

6- تذكرون اول يوم دوام بالمدرسه كانوا
يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل​

7- تذكرون المعجون الصغير اللي ريحته تبط الراس ومعاه عود
لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه

​

​

​

8- تذكرون لما كانوا الاولاد يلعبون كره مبارات بالفريج واذا
كان واحد من الفريق ناقص لاعب بعد ما يبيله قولجي دفاع هجوم
ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر يعني الصفاره.
9- تذكرون لما كنا نشوف افتح ياسمسم وانتأثر بكعكي اللي ياكل
بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.​

​

​

​

10- تذكرون يوم الجمعة ... نقعدمن الصبح علشان نسمع أغنية في
عالم الشعوب قصائص لا تنتهي وعالم حلو بهي يسكن في قلوب في قصص الشعوب
.
11- تذكرون لما كانوا بالصيف يسبحونا من الطشت والمغرافه الزرقه
اوالحمره لوول وانت تتنافض من البرد وتنطر متى يكتون عليك ماي
اي بطل الدوش وفك عمرك....ياسلام على سياسة ترشيد المياه منذ القدم.​

​

​

​

12- تذكرون اغنيه ياوردتي يانديه روحي لخلي هديه كانوا
اهل الكويت ميتيــــن ويشوفون ويه البنت اللي كانت ترقص لانها كانت تنزل شعرها على ويهها لي يت صوب الكاميرا....ياعيني على الستر.​

​

​

​

13- تذكرون تيلفون بوقرص اللي يخيب ثناك وانت تتصل
وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك.....صج كانت معاناة بالعيشه.​

​

​

​

14- تذكرون لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه
ينزل ريله عليهم يعني يكون حارهم لوووووول​

​

​

​

15- تذكرون لما كنا نربط الشرشف او الفله على رقبتنا يعني
يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك​

​

​

​

16- تذكرون شريط الشراغي الاحمر اللي اذا اخترب المسدس ماله بعد
مايبيله كلام حول على كعب الوالده وكمل عليه بالكاشي ولا على
عتبة الباب اخر شي الوالده مكمله عليك
بالكعب لووووووول​

​

​

​

17- تذكرون لما كنا نحط قوطي السانكست بالفريزر عشان يثلج مع
العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه
.
18- تذكرون لما كان الاولاد يغسلون الحوش بالويك اند قمةالوناسه
يمسك المساحه يعني يكون بيساعد واخر شي طايحله سكيتنج على
الكاشي لوووووول وبالليل رايح الاميري
.
19- تذكرون لما كنا نستقبل الحجاج عند الحدود من زود الفرحه
واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.​

20- تذكرون لما كنا نحب عبدالرحمن العقل ونروح مسرحياته
السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.

​

​

​

21- تذكرون عزايم قبل والصماط المفروش على كبر الحوش اللي على صورة ميوه ( فواكه ) وريحته لازم ريحة مطبخ وقاعدين على المده اللي
لي قمت تلاقي ريلك كلها شخوط من المده....ياخي شنو هالزهد بس.​

​

​

​

22- تذكرون لما هبينا في مجلة المجالس وبصفحة كريمة شاهين
اللي يكتبون فيها ....انا فتاة ابلغ من العمر 18 سنه واحببت شابا
حبا جما ولا استطيع ان افارقه وتقدم لي اكثر من مره ولكن اهلي رفضوا .​

​

​

​

23- تذكرون لما هبينا في اغنيه البحريني سليمان الزيمان
ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه عشان تأسر قلوب العذارى خخخخخخخخ
.
24- تذكرون لما يبلشون الشباب يدخنون زقاير كل واحد حاط باكيت
بمخباته ولافه بكلينكس عشان ما يبين من الدشداشه الصيفيه ولي
شاف واحد من الربع يدخن يسأله السؤال المعهود (ها فلان تكنها ولا
ما تكنها ) لووول شدعوه شي زين عاد ..وكان لازم مالبورو احمر شعار الرجوله.​

​

​

​

25- تذكرون ايام الدراسه قبل يعني يكون بنشد حيلنا بالدراسه ونشتري
قلم فسفوري اصفر ولا برتقالي عشان نظلل على الشي المهم اخر شي
مظللين على كل الكتاب وين الشي المهم مادري لوووول​

​

​

​

26- تذكرون ايام الكشخه قبل كانت عباره عن سيارة هوندا بيضه
اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.​

27- تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.

​

​

​

28- تذكرون اول ما يبوق الصبيان سيارة الوالد كانت الريل
اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم.... واديلوووووو بريك
وبانزين>>> كانت مرافق لأخوها عشان لا تفتن عليه ههههههههه​

​

​

​

29- تذكرون لما كانت جائزة البيبسي سياره بالمغاطي مالت
البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه
.
30- تذكرون لما يقول الاستاد ان هذي الصفحات ملغيه
ايوااااااااااا تعال شوف التشخط اللي على الصفحه من فوووووووووق لي تحت ولا نشقها خير شر من الكتاب.....شدعوه هالحقد عاد​

​

​

​

31- تذكرون لما اتهاوش مع ولد جيرانكم وتقوله وخر عن بيتنا
وعن رصيفنا يقولك مو رصيفكم هذا رصيف الحكومه.....كلام منطقي
الصراحه لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.​

​

​

​

32- تذكرون كمبوتر صخر 170 لما حنينا على الوالد عشان يشتريه
عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات
يعني استفاده لوووول.​

​

​

​

33- تذكرون لما يروحون الصبيان السوق مع الوالد يشتري لهم
خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووول.)​

​

​

​

34- تذكرون الحريم قبل لما كانوا يلبسون حجاب بوربطه والنظارات
هااااااااااااااااالكبر تقول داشين فلم 3 دايمنشن.....والحين
قاموا يخشون صورهم ولا يشقونهم من الفشله لووووول
.
35- تذكرون شامبو درين اللي بغرشه حمره مادري ورديه يعني كان
كشخه بس ياوووووووووويلك يحوش عيونك 3 ايام انت عمي لوووووول.​

​

​

​

36- تذكرون لا بغوا الشباب يشيلون حديد قبل يعبون قواطي نيدو
اسمنت ويحطون بينهم بايب حديد وهووووووووبا واخر شي منكسر ه ظهورهم لووووووووووول​

37- تذكرون المسجل السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف ترررررن تررررررن سكشن فايف.....هاي سوبر فالكون ههههههههه.

​

​

​

38- تذكرون السشوار البيج بو جنطه بيضه تقول لاب توب مع الهوز
جنه خرطوم طياره ( تشغله قبله بيوم عشان يصير حـــار.).. لوووووووووول​

39- تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .

40- تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.

41- تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول

​

​

​

ملطوووش من حدا المنتديا
و ان شاء الله ما يكون مكرر

خيتكم:
العجيز​

 

[الرحال]

ما في مجال بعد لمواليد الخمسينيات !!:

ذكرتيني بالذي مضى

آه ومضى قطار العمر

لكن سنشيروا ناسي والله في أي مسلسل كرتوني

أنا كنت متحطم بجونكر وقرندايزر
و أذكر إني بكيت لما بشار لقى أمه

==================


أما سالفة الساعة الرسمة فهذه قصة بحالها


=================

وفعلا تذكرت افتح ياسمسم ونعمان البطة
​

================

وقبل فعلا يعني المدخن العتيق يقول حق العليمي : ها تكنها وإلا ما تكنها


عاد العليمي يهز راسه بثقة ويقول : لا والله أكنها أكنها ها حتى شوف

ويكن السجارة لين تطلع عيونه

=============

اما سالفة : يا شمس عطيني سن غزال واخذي سن الحمار - أعوذ بالله
بس كنا جهال نقلد
بس كنا نقلد منو في هالحركة البايخة هذي
==============

ايه أيام وراحت

بس والله أحسن من أيام جيل البلاي سيشن

​

 

[العجيز]

ههههههههههههههههههههههههههههههههههههههههههههههه

الخمسينات كان على دورهم توم وجيري هذا اذا كان في سنما

حدهم بشتخته هههههههههههههههههههه


سنشيرو بداية اغنيته

سانشيرو بطل مغوار .. سانشيرو

احباه صغارا و كبار .. سانشيرو

احب العلم فتعلم ..و اخترع دميته جومارو

و راح يعمل ليل نهار .. من اجل الخير.....و لفعل الخير......

و يحارب الاشرار هلا يا هلا .. بيسنشيروا بطل المغوار

تعالو تعالو نشاهده ..هــــــــــيا يا صـــغـــــــار

بطل مغوار احبوه..صغار و كبـــــــــــــــــار
سنشيرو سنشيرو

بعد قول ما تذكرته ههههههههههههههههههههههههههههههههه

اما بخصوص الساعه هذي اخوي الكبير بدع فيها ما ظل احد ما قرمه ..تشوهنا من وراه واللي استغربه وين اهلنا ما يردعون عنفه ضدنا!!!! تلاقي نبجي من العضه وبنفس الوقت نتفاخر فيها..

صج براءه ما نعرف شالسالفه

تسلم على المرور والحلو

 

[ازدهار الانصاري]

الاخت العزيزة العجيز

هل تعتقدين ان مواليد الخمسينات قد فقدوا صلاحيتهم

لعلهم فالزمن والسنوات تأكل الكثير

موضوع لطيف

دمت بود

سلام

 

[العجيز]

اختي من قال انهم فقدو صلاحيتهم؟؟

اختي الكريمه الرد كان واضح لسؤال اخوي رحال

وكنت صريحه وهو وجود البشتخته كأداة تسليه ..اما السينما كانت محتكره لمناطق معينه وفي بيوت ناس معروفين ويجتمعون فيها اهل الفريج لمشاهدة الفلم او اي شيء آخر

بالنسبه للموضوع نقل كما هو دون تعديلات ولم يذكر به مواليد الخمسينات..

اما ناحية

لعلهم فالزمن والسنوات تأكل الكثير

الا تعتقدين انه سيأتي يوم ونصل للعمر الذي يحمله جيل الخمسينات؟؟!! لا اعتقد ان هناك شخص عاقل يستهزيء بمن هم اكبر منهم عمرا فهو ان دل على شيء فيدل على قلة ادب وحياء ولله الحمد اعرف كيف احترم من هم اكبر مني سنا ومعرفه...

اختي الكريمه..الموضوع فكاهي بحت..ولا يقصد به الاساءه.. واتمنى ان لا ننظر الى الجوانب السلبيه بأي موضوع.. استمتعي وتبسمي بكل كلمه او جمله جميله تمر عليك فلا ندري متى نضحك مرة اخرى

سلامي لك وشكرا على المرور

اختج:
العجيز

 

[وطني]

أذكر عندما نلعب الكرة


أضفنا قانوناً جديداً للعبة


غير موجود في الفيفا



هو



" فاول دشداشة "


:d :d :d :d​

 

[العجيز]

هههههههههههههههههههههههههههههههههههه

شنو فاول دشداشه؟؟!!!

اذكر انا كنت غصب العب مع اخواني كورة وطبعا خواني عاملين رجاله مايصير بنت تلعب معاهم..وكان ابوي ربي يحفظه يرزني غصب بينهم لعبوها وله ابط الكورة..عاد مره كان ولد جيرانا معانا يلعب وصج طلع خبيث(الله يسامحه) اقترح على اخواني يحطوني حارس وانا مكيفه عبالي طيب طلع يفكر لبعيد..المهم ما اطولها عليكم.. صرت الحارس وشاده حيلي عبالي نفسي الطرابلسي وحاطه شليلي بحلجي ..وله الكورة بوجهي.. شوي وله على ظهري..شوي وله على خشمي!!! وانا شاده الحيل عبالي قاعده اصد الكورة طلعت انا المستهدفه مو المرمى وانحاش عن الكورة ويلحقوني فيها!!! عاد ثاني يوم الله لا يوريكم مزورقه حدي وحرمت العب معاه

والحين كل ما اشوف ولد جيرانا الصبح اتذكر شصار فيني قلبي متروسه حده

يسلموووووووو يا خوي على الطله

 

[الرحال]

أذكر عندما نلعب الكرة ​

أضفنا قانوناً جديداً للعبة​

غير موجود في الفيفا ​

هو ​

" فاول دشداشة "​

:d :d :d :d​

ياه والله ذكرتني بفاول دشداشة

أذكر التيل يا حلو أيام التيل براءة وطفولة

وكونت وإلا ما كون

وطنننننننننننننننننننننننننننننننننننننننننننننننب

وروز وإلا مو روز

 

[سعيد]

آآآآآه ... عيني دمعت.. يا براءة الطفولة يا حلو ذيك الأيام..

في قصص الشعوب ... طرائف لا تنتهي ... وعالم حلو بهي ...يسكن في القلوب

من كل بلاد الدنيا ....

مشكورة ...

 

[العجيز]

هلا والله اخوي سعيد

تذكر لمن كنا نتسابق عشان نحط المخده قدام التلفزيون وننسدح!!

وكان تلفزيون الكويت يسكر ويفتح 4 العصر وطبعا الاخ الاكبر هو فتوة البيت اذا قال ابي المكان ياخذه حتى لو انك دخلت معركه ضاريه عشان تحصل عليه

لاهنت على الطله الحلوه

 

[الحريه وطن]

السلام عليكم ورحمة الله وبركاته​

هذا اول موضوع اشارك فيه بهذا المنتدى الرائع.. صراحه اهو ملطوش واعتذر لأن اول مشاركه ملطوشه بس حبيت نلطف الجو قبل لا نبدأ المشوار وا نشاء الله يعجبكم لأني لاحظت اغلب الاعضاء ربي يعطيهم طولة العمر كبار نسبيا وهالشي شجعني على نقل الموضوع لاني من ضمنهم مواليد 1980 يعني داشه بالحسبه ​

نبدأ على خير؟؟؟​

هيا بنا يا سنشيرو هههههههههههههه​

1- تذكرون البنات قبل لي حطوا دهن في شعرهم ولا حنه كانوا
يلفون راسهم بكيس جمعيه ولا كيس خبز لبناني ولازم شعار المطاحن يكون فوق لوووول
.
2- تذكرونلما اييلك واحد مليق من العايله اكبر منك ويقولك تبي
اسويلك ساعه وانت تمدله ايدك ويقوم يعضك ذيج العضه اللي توارص
منها.
3-تذكرون لما كنا نصور فوري عند مصور الجمعية وطبعا غصبن عليك
الخلفيه زرقه مو بكيفك ولازم تمشط شعرك بالمشط اللي عنده كله
شعرووصاخه وبعدين يقصلك الصورة بالآله اللي عنده ام ذراع
والاطراف مشرشره يعني يكون حركه
.
4- تذكرون ايام حصة الموسيقى قبل كان الدرس لمدة سنه عباره عن
تــــــــــافــــــــــــاتيــــــــــي فـــــــــــي تاتي والصفقه
بصبعين بس .... صج كان منهج صعب
.
5- تذكرون لي شفت واحد عنده سيارة مرسيدس كان يحوشك فضول الا
تبي تعرف شنو اكو بالصيدليه اللي ورى بالسياره
ونقعد انطلطل بالسياره واخر شي يطلع( بلاستر وباندج)​

6- تذكرون اول يوم دوام بالمدرسه كانوا
يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل​

7- تذكرون المعجون الصغير اللي ريحته تبط الراس ومعاه عود
لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه​

8- تذكرون لما كانوا الاولاد يلعبون كره مبارات بالفريج واذا
كان واحد من الفريق ناقص لاعب بعد ما يبيله قولجي دفاع هجوم
ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر يعني الصفاره.
9- تذكرون لما كنا نشوف افتح ياسمسم وانتأثر بكعكي اللي ياكل
بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.​

10- تذكرون يوم الجمعة ... نقعدمن الصبح علشان نسمع أغنية في
عالم الشعوب قصائص لا تنتهي وعالم حلو بهي يسكن في قلوب في قصص الشعوب
.
11- تذكرون لما كانوا بالصيف يسبحونا من الطشت والمغرافه الزرقه
اوالحمره لوول وانت تتنافض من البرد وتنطر متى يكتون عليك ماي
اي بطل الدوش وفك عمرك....ياسلام على سياسة ترشيد المياه منذ القدم.​

12- تذكرون اغنيه ياوردتي يانديه روحي لخلي هديه كانوا
اهل الكويت ميتيــــن ويشوفون ويه البنت اللي كانت ترقص لانها كانت تنزل شعرها على ويهها لي يت صوب الكاميرا....ياعيني على الستر.​

13- تذكرون تيلفون بوقرص اللي يخيب ثناك وانت تتصل
وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك.....صج كانت معاناة بالعيشه.​

14- تذكرون لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه
ينزل ريله عليهم يعني يكون حارهم لوووووول​

15- تذكرون لما كنا نربط الشرشف او الفله على رقبتنا يعني
يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك​

16- تذكرون شريط الشراغي الاحمر اللي اذا اخترب المسدس ماله بعد
مايبيله كلام حول على كعب الوالده وكمل عليه بالكاشي ولا على
عتبة الباب اخر شي الوالده مكمله عليك
بالكعب لووووووول​

17- تذكرون لما كنا نحط قوطي السانكست بالفريزر عشان يثلج مع
العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه
.
18- تذكرون لما كان الاولاد يغسلون الحوش بالويك اند قمةالوناسه
يمسك المساحه يعني يكون بيساعد واخر شي طايحله سكيتنج على
الكاشي لوووووول وبالليل رايح الاميري
.
19- تذكرون لما كنا نستقبل الحجاج عند الحدود من زود الفرحه
واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.​

20- تذكرون لما كنا نحب عبدالرحمن العقل ونروح مسرحياته
السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.​

21- تذكرون عزايم قبل والصماط المفروش على كبر الحوش اللي على صورة ميوه ( فواكه ) وريحته لازم ريحة مطبخ وقاعدين على المده اللي
لي قمت تلاقي ريلك كلها شخوط من المده....ياخي شنو هالزهد بس.​

22- تذكرون لما هبينا في مجلة المجالس وبصفحة كريمة شاهين
اللي يكتبون فيها ....انا فتاة ابلغ من العمر 18 سنه واحببت شابا
حبا جما ولا استطيع ان افارقه وتقدم لي اكثر من مره ولكن اهلي رفضوا .​

23- تذكرون لما هبينا في اغنيه البحريني سليمان الزيمان
ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه عشان تأسر قلوب العذارى خخخخخخخخ
.
24- تذكرون لما يبلشون الشباب يدخنون زقاير كل واحد حاط باكيت
بمخباته ولافه بكلينكس عشان ما يبين من الدشداشه الصيفيه ولي
شاف واحد من الربع يدخن يسأله السؤال المعهود (ها فلان تكنها ولا
ما تكنها ) لووول شدعوه شي زين عاد ..وكان لازم مالبورو احمر شعار الرجوله.​

25- تذكرون ايام الدراسه قبل يعني يكون بنشد حيلنا بالدراسه ونشتري
قلم فسفوري اصفر ولا برتقالي عشان نظلل على الشي المهم اخر شي
مظللين على كل الكتاب وين الشي المهم مادري لوووول​

26- تذكرون ايام الكشخه قبل كانت عباره عن سيارة هوندا بيضه
اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.​

27- تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.​

28- تذكرون اول ما يبوق الصبيان سيارة الوالد كانت الريل
اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم.... واديلوووووو بريك
وبانزين>>> كانت مرافق لأخوها عشان لا تفتن عليه ههههههههه​

29- تذكرون لما كانت جائزة البيبسي سياره بالمغاطي مالت
البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه
.
30- تذكرون لما يقول الاستاد ان هذي الصفحات ملغيه
ايوااااااااااا تعال شوف التشخط اللي على الصفحه من فوووووووووق لي تحت ولا نشقها خير شر من الكتاب.....شدعوه هالحقد عاد​

31- تذكرون لما اتهاوش مع ولد جيرانكم وتقوله وخر عن بيتنا
وعن رصيفنا يقولك مو رصيفكم هذا رصيف الحكومه.....كلام منطقي
الصراحه لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.​

32- تذكرون كمبوتر صخر 170 لما حنينا على الوالد عشان يشتريه
عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات
يعني استفاده لوووول.​

33- تذكرون لما يروحون الصبيان السوق مع الوالد يشتري لهم
خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووول.)​

34- تذكرون الحريم قبل لما كانوا يلبسون حجاب بوربطه والنظارات
هااااااااااااااااالكبر تقول داشين فلم 3 دايمنشن.....والحين
قاموا يخشون صورهم ولا يشقونهم من الفشله لووووول
.
35- تذكرون شامبو درين اللي بغرشه حمره مادري ورديه يعني كان
كشخه بس ياوووووووووويلك يحوش عيونك 3 ايام انت عمي لوووووول.​

36- تذكرون لا بغوا الشباب يشيلون حديد قبل يعبون قواطي نيدو
اسمنت ويحطون بينهم بايب حديد وهووووووووبا واخر شي منكسر ه ظهورهم لووووووووووول​

37- تذكرون المسجل السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف ترررررن تررررررن سكشن فايف.....هاي سوبر فالكون ههههههههه.​

38- تذكرون السشوار البيج بو جنطه بيضه تقول لاب توب مع الهوز
جنه خرطوم طياره ( تشغله قبله بيوم عشان يصير حـــار.).. لوووووووووول​

39- تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .​

40- تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.​

41- تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول​

ملطوووش من حدا المنتديا
و ان شاء الله ما يكون مكرر​

خيتكم:
العجيز​

بغيت ابجي والله ياحلو ذيك الايام

 

[العجيز]

مشكور ياخوي على المرور

الايام الحلوه تبقى بالقلوب

صحيح اني ما مريت فيهن كلهن بس جد في شغلات تخلي القلب يعتصر

ودي ارجع يوم واحد اعيشهم

لاهنت على المرور والتعقيب

 

[Venezia]

الاخت / العجيز

أولا حياج الله و سررت بمعرفتج .. والله موضوعج ياوخيتي موتني من الضحك جد جد بطني صار يعورني

و بما اني من مواليد 1982 يعني اعتقد الموضوع يعنيني بعد

2- تذكرونلما اييلك واحد مليق من العايله اكبر منك ويقولك تبي
اسويلك ساعه وانت تمدله ايدك ويقوم يعضك ذيج العضه اللي توارص
منها. ​

والله اذكر و بشدة بعد الله يسامحك يا عمي .. كان عضاض العايلة و لا يزال والله اهي بس عالإيد ؟؟ والله و حياتج حتى خدودنا ما سلمت منه ​

4- تذكرون ايام حصة الموسيقى قبل كان الدرس لمدة سنه عباره عن
تــــــــــافــــــــــــاتيــــــــــي فـــــــــــي تاتي والصفقه
بصبعين بس .... صج كان منهج صعب​

الله يذكرج بالخير يا أبلة نجاة كانت أبلة موسيقى بس كله تشرحلنا تربية اسلامية .. مسكينة والله كان صفنا شيطان وايد و البنات يننوها و خلوها تبجي عاد انا من جماعة الملائكة رحنا نبوس الابلة و نراضيها كله بسبة تافاتيفي تاتي ​

6- تذكرون اول يوم دوام بالمدرسه كانوا
يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل​

​

والله انا مع الكتب عقدة كنت احب اختار الكتب النظيفة و استخف بالمخزن على ما ادور كتب نظيفة و انقيها نقوة و ما تبقى أبلة ما تيي تزفني عشان اطلع و اخلص .. و المصيبة ان هالطبع كبر معاي لي أيام الجامعة كنت اشتري كتب من مكتبة الطالب بشويخ و أعاني بين الكتب رفيجاتي يشترون يخلصون و انا للحين انقي
أقولكم الصج .. للحين فيني هالطبع من أروح مكتبة جرير والله عادي اخذ نص ساعة انبش على الرف أدور انظف كتاب ​

10- تذكرون يوم الجمعة ... نقعدمن الصبح علشان نسمع أغنية في
عالم الشعوب قصائص لا تنتهي وعالم حلو بهي يسكن في قلوب في قصص الشعوب​

الله في قصص الشعوب .. توني بعد 50 سنة اكتشفت انها أصالة نصري اللي تأدي الاغنية
في قصص الشعوب طرائف لا تنتهي و عالم حلو بهي .. يسكن في قلوووووب في قصص الشعووووب .. من كل بلاد الدنيا من كل بقاع الأرض.. قصص شتى .. حلوة حتى .. نعرف أحوال الانسان و الكل هنا جيران .. فاذا زرناكم في الصورة في دنيا حلوة مسحورة كي نتسلى .. صرنا أهلا ..
ماشاء الله علي ​

​

​

​

14- تذكرون لما نرجع من الزواره كنا انتناجر منو اللي ينسدح ورى
بالسياره صوب الجام ويطقها نومه لي البيت لالا ويتحرش بخوانه
ينزل ريله عليهم يعني يكون حارهم لوووووول​

أنا شخصيا كنت اتناجر مع اختي على القعدة جدام والله و توصل لي الطق و البجي بعد
والله براءة ​

​

​

​

41- تذكرون لي طاح ضرسك قبل تقولك امك مسكه وقطه فوق وقول يارب اخذ ضرس الحمار وعطني ضرس غزال........واخر شي طايح مره ثانيه يم ريولك لوووووووووول​

عاد هالسالفة صج والله للحين أسويها بأخواني بس عاد انا سالفتي أكشخ شوي ..
من يطيح ضرس واحد فيهم أقوله حطه تحت مخدتك و يطلع لك دينار .. و اروح انا و اهم نايمين احط لهم دينار .. مرة سهيت و نسيت احط حق اخوي قعد من النوم يبجي يقول ما طلعلي دينار ليش و لي يومكم ما يدرون من وين هالدينار ​

مشكورة وايد والله على هالمجال اللي فتحتيه لنا لاستعادة ذكريات أيام الطفولة ..:وردة:​