هل سبق لك تجربة السفر وحدك ؟!

[Anu]

وايد سافرت بروحي مرات استرخاء او شغل او دورات
بصراحه مو متعه وايد احسن مافيها الواحد يراجع حساباته ويشوف ان الدنيا ما تسوه
ويصفي النيه
وفوق هذا ليمن يرجع يحس بانتعاش وتجديد

 

[مطمئن]

كمبدأ لآ والف لآ
ما استانس الا اذا كان معاي احد

خصوصا بالمطاعم ما اتخيل نفسي آكل بروحي

يوجد استثناءات

منها السفر الاضطراري المفاجىء

او لدولة خليجية البحرين او دبي الخ...
وبشرط تكون حدها 3 ايام بس

 

[محمد السهلي]

عشت تجربة السفر لوحدي مرتين

وكانت المحصله

شُهر في وجهي سكين تايلندي وفرد سوري

والله ستر وبعدها حرمت السفر لوحدي

 

[الكويت تاج راسي]

كــانت لي تجربه بالسفر بروحي من قبل 3 سنوات تقريبا يوم كان عمري 18سنـه
رحت مطعم الطربـوش اكسبرس مطعم لبناني عجيببببب في فندق ستي سنتر بالمنامـه بسوق الذهــب المهم رحت ابي اتعشى وامشي مو رايح اسولف او اني ادور ربع ولا يالي واحد مصري ويقولي انت من فين قتله من الكويت ولا يقولي من ورا خشمه يا اهلا بيك ولا يقولي بس مش عارف الكوايته متكبرين ومغرورين ليـه
عاد تعال اقعد اشرحله واقوله اذا 10 اشخاص او الف شخص مو زينين يمثلون نفسهم مايمثلون بلدهم وكل بلد فيه الزين والوحـش وقعد يغلط عالكويتين ويقول بس اصلا الكويته بيجو هنا بالبحرين عشان الشرب والخمر وكده ( قلت بقلبي شفيه امه هذا .. شحار قلبه ) ودش بالسياسه ويخبص بالكلام
وانا مادري شلون كنت مستحمله يمكن ليش اني كنت بروحي ولا انا نرفزني وقتله : البلد لايقاس لا بموقعه الجغرافي ولا بعدد سكانه او شعوبه البلد يقاس بمكارمه وخيراته وعطاياه ومدى تطبيق حكومته للعداله والرفاهيه على شعبه والكويت دوله صغيره ولكنها كبيره بأفعالها ولولا الكويت جان شفت المصريين يبيعون عصير منجا وفسيخ بشوارع مصر الـخ
والنذل قاعد يحاول ينرفزني ويقولي بس بص اصل هو صدام حسين شهيد يعني ده رأيي ووجهة نظري لان هو راجل عربي ومسلم وحاكم بلد عربي وكان بيستشهد ساعت ماكان بينعدم والامريكان كانو بيتخضو منو يبقى هو شهيد
بذمتكم واحد نفس هذا يستاهل احد يحاجيه !!
والله العظيم متحسف ليش اني ما طلبت له الشرطه عساس شوي تسنعه وتخليه يمشي جـدام ومره ثانيه اذا بروح البحرين والله حالف اني اروح المطعم بشوفه للحين موجود ولا لا براسي هوشـه

 

[تركش]

افضل شي
في نظري

 

[الأصمعي]

أفكر أسافر بروحي لجزر المالديف علشان أرتاح شوي بروحي بعيد عن الصحية و يكفي منظر البحر ..

ما بي لا هذرة و لا أحد معاي و لا تلفون و لا تلفزيون و لا سهر ..

تحياتي .. :وردة:​

 

[السليطي]

بعض السفرات حلوة مع الربع

وهناك سفرات تحتاج للخلوة والراحة وتتفرغ للتمشي والقراءة ونجديد الفكر والطاقة

 

[ze blue]

أي والله جربت سافرت بروحي ليش ضيعت أهلي فدخلت قطار ثاني رحت منطقة ثانية عندك عندك أستانست في هل ساعتين أليضعت فيهم تقريبن أحلى ساعتين قضيتهم في حياتي للأسف بعدها جاو أهلي خذوني الله كنت أمسوية فيها كول يعني فري ومسافرة الوحدي بس مسرع ماجاو

 

[أبوطلال]

صعبة ..تكلم منو تسولف مع منو ؟؟

ولو انه فيها استقلاليه بقرارتك .

وحرية اكثر ..

 

[k7elan]

كــانت لي تجربه بالسفر بروحي من قبل 3 سنوات تقريبا يوم كان عمري 18سنـه
رحت مطعم الطربـوش اكسبرس مطعم لبناني عجيببببب في فندق ستي سنتر بالمنامـه بسوق الذهــب المهم رحت ابي اتعشى وامشي مو رايح اسولف او اني ادور ربع ولا يالي واحد مصري ويقولي انت من فين قتله من الكويت ولا يقولي من ورا خشمه يا اهلا بيك ولا يقولي بس مش عارف الكوايته متكبرين ومغرورين ليـه
عاد تعال اقعد اشرحله واقوله اذا 10 اشخاص او الف شخص مو زينين يمثلون نفسهم مايمثلون بلدهم وكل بلد فيه الزين والوحـش وقعد يغلط عالكويتين ويقول بس اصلا الكويته بيجو هنا بالبحرين عشان الشرب والخمر وكده ( قلت بقلبي شفيه امه هذا .. شحار قلبه ) ودش بالسياسه ويخبص بالكلام
وانا مادري شلون كنت مستحمله يمكن ليش اني كنت بروحي ولا انا نرفزني وقتله : البلد لايقاس لا بموقعه الجغرافي ولا بعدد سكانه او شعوبه البلد يقاس بمكارمه وخيراته وعطاياه ومدى تطبيق حكومته للعداله والرفاهيه على شعبه والكويت دوله صغيره ولكنها كبيره بأفعالها ولولا الكويت جان شفت المصريين يبيعون عصير منجا وفسيخ بشوارع مصر الـخ
والنذل قاعد يحاول ينرفزني ويقولي بس بص اصل هو صدام حسين شهيد يعني ده رأيي ووجهة نظري لان هو راجل عربي ومسلم وحاكم بلد عربي وكان بيستشهد ساعت ماكان بينعدم والامريكان كانو بيتخضو منو يبقى هو شهيد
بذمتكم واحد نفس هذا يستاهل احد يحاجيه !!
والله العظيم متحسف ليش اني ما طلبت له الشرطه عساس شوي تسنعه وتخليه يمشي جـدام ومره ثانيه اذا بروح البحرين والله حالف اني اروح المطعم بشوفه للحين موجود ولا لا براسي هوشـه

لو قلت له ان صدام اصلا غزا مصر و ضربها بعشرين صاروخ سكود , او تقول ان صدام حسين اصلا بمنزلة الشهداء الابرار اللي ماتوا في حروبهم ضد اسرائيل

او صدام كان يجهز جيشه لأجل يغزي العالم , و يحتل امريكا

بالمعنى انا اشوف النوع الاهبل من الناس هذي لازم تعطيه اشياء ما تصدق ابد يلتهي فيها
او انك تجاريه و تبالغ اكثر من مبالغته حتى يحس بنفسه سخيف

كأنك تكلم واحد ينتقص منك و تقول له بثقة ( انا ردي و انت طيب ) فالاشكال من هالناس ما يعطلونك و ما تتورط معاها

 

[من غير زعل]

سافرت أول سفره مع الربع
و تحسفت كثر شعر راسي و أكتشفت أن الناس
تتغير بالسفر و العشره 24 ساعه راح تعرف عيوب كل شخص ,
و من بعدها حرّمت أسافر مع أحد كل سفراتي بروحي وحسيت بالفرق والحريه

ونصيحه للي يسافرون اوروبا و شرق اسيا ( جربوا أمريكا ) راح تتحسفون على اي بلد ثاني سافرتوا
أمريكا غييييييييييييييييييير

 

[bujassim]

سافرت أول سفره مع الربع
و تحسفت كثر شعر راسي و أكتشفت أن الناس
تتغير بالسفر و العشره 24 ساعه راح تعرف عيوب كل شخص ,
و من بعدها حرّمت أسافر مع أحد كل سفراتي بروحي وحسيت بالفرق والحريه

ونصيحه للي يسافرون اوروبا و شرق اسيا ( جربوا أمريكا ) راح تتحسفون على اي بلد ثاني سافرتوا
أمريكا غييييييييييييييييييير

موشرط

انا مرات اروح ويا ناس عسل وتستانس وياهم وتتمنى ماترجع بس تستانس معاهم

وربي مرات تسافر ويا ناس

يضيقون خلقك طول السفره ويتحكم مابي هالمكان وابي اقعد بالفندق !


عشان جذيه انا ارتاح سفره بروحي لو ان شاء الله بقلعه وادرين

لازم الواحد يعيش حياته ويجرب يروح بروحه ويتعلم من مواقف تصيرله لان الحياة تجارب :وردة:

 

[ALI ALQAHTANI]

سافرت كثير مع ناس وافضل شي تختار اللي تسافر معهم لانك ماتعرف حقيقة الناس الا في السفر
اما لوحدي سافرت كثير وجلست لوحدي ووصلت بي الحاله لشي مايعلم به الا الله
رحت امريكا لوحدي وتغربت جلست في فنزويلا 3 اشهر و8 اشهر في اذربيجان مع شركة توتال وخليها على ربك نمت حتى على الكراسي في المطارات من الخوف لاتروح علي الرحلات والسفر لوحدك مع ان فيه استقلالية بس مخاطره احيان تتمنى لو بس تلقى لك عربي يتكلم معك

 

[صقران]

نعم سبق ان سافرت بروحي

ومرة سافرت شهر لامريكا بروحي

عموما السفر مع اناس افضل وهو ما يحث عليه ديننا الاسلامي فالرفقة الطيبة في السفر خير معين بعد الله

 

[إلا الدستور]

اول سفره كانت ويا الربع بس بصراحه ما كانت حلوه

لعدة اسباب ومنها انك تجامل على حساب نفسك

في السهر في الاكل في التسوق في اغلب الاحيان

ومن بعدها قمت اسافر بروحي بصراحه السفر لوحدك

شئ مو طبيعي تاخذ راحتك من جد تطلع وتسهر

وتتسوق وتاكل في اي وقت وتنام براحتك وتقعد وقت ماتحب

ماكو احد تجامله

وبالنسبه للوحده بالعكس ما احس فيها بسفري

لان طبعي انا احب اتعرف على الناس في السفر

من انزل اي دوله من ثاني يوم في كل مكان لي صاحب فيه

كأني مسافر ويا الربع بس مو مرتبط فيهم نهائيا​

 

[الأصمعي]

أي والله جربت سافرت بروحي ليش ضيعت أهلي فدخلت قطار ثاني رحت منطقة ثانية عندك عندك أستانست في هل ساعتين أليضعت فيهم تقريبن أحلى ساعتين قضيتهم في حياتي للأسف بعدها جاو أهلي خذوني الله كنت أمسوية فيها كول يعني فري ومسافرة الوحدي بس مسرع ماجاو

:إستحسان::إستحسان::إستحسان::إستحسان::إستحسان:

خوش تعليق منج شفتي شلون الحرية حلوة ..

تحياتي لج .. :وردة:​

 

[« غ ـريب الأطوآر »]

اي والله احسن .. لازعل وازعاج .. ومنها ينكسر خاطر "بعض الناس" ويتعرفون عليك هناك

عرفت بواب عمارة وراعي بقاله ومصبغه .. وعلاقتي معاهم طيبه ولله الحمد
​

 

[شريف نجد]

ههههه وش تحسبه تسافر مع نفسك
انا اشوف ان حلات السفر وحسنت السفر الاكبر هي الاجتماع

 

[ولد وايل]

يس يس .. سافرت بس يضيق خلقك مهما كان ..​

 

[الأصمعي]

انا كل ما أسافر مع أحد نادر ما أتوالم معاه ..​

صج ما تعرف صاحبك إلا بالسفر مقولة صحيحة 100% ..​

و كل ما أسافر مع أحد أحرم أعيد أسافر معاه مرة ثانية و أقول يا أجرب غيرة أو بروحي ..​

بس من تصير وقت السفرة أفكر و فكر و فكر و أخر شئ أختار نفس الأشخاص الثقيلين الدم بالسفر ..​

و على اساس بطوف لهم بس هم ترد سوالفهم البايخة بالسفر و أعيد أقول خلاص ماني مسافر معاهم لو أروح بروحي ..​

بس ما أتوب السفر باليمعة أو معاك أحد حلوة ما تمل بسرعة بس وين و وين تضبط السفرة مع واحد على نفس مزاجك و طبعك ..​

لو تلاحظون خاصة الشباب بالكويت إذا بتروح مثلاً القهوة بروحك بتمل إلا إذا معاك الاب توب يلهيك شوي ..​

و بالسفر مو شي لاب توب ما تسوا أنت رايح تغير جو و تريح و لا تدش منتديات و تشوف الأخبار تعكر مزاجك !​

هذا والله أعلم ..​

تحياتي .. :وردة:​