التعليم العالي : اسماء الجامعات المعترف بها في مصر وبريطانيا وقطر

[الأناضول]

الله كريم

يبون يقطعون الدراسه بره

 

[Shja3]

اللي يقولي الكويت باجر يصير فيها حمله الثانوية بالالالاف شدعوه! اذا ما درس ببريطانيا ولا مصر ولا ماراح يدش جامعه كلش! يا عزيزي في جامعات خاصة بالكويت والدوله مسويه بعثات داخليه. قرار ال50 طالب صائب ولا تقولي حسد ولا غيره. أسئلني انا عن جامعات بريطانيا وامريكا الخرطي اللي متروسة كويتيين. اعرف جامعه بامريكا وبتحفظ على ذكر اسمها (اتحدى احد مايعرفها ..موقعها باحدى الولايات الشماليه البارده معدل القبول لاي متقدم 99%! يعني قط اوراقك ونسبه عدم قبولك 1 بالمليون! ونسبه النجاح فيها 97% ونص مهندسين الكويت منها! حتى انها اسهل من كليه الهندسه (جامعه الكويت). بتقولي في جامعات توب ولا نظلمهم؟ اقولك ان الجامعات التوب مالها شغل بالكويت ولا فيك ولا بأي احد ان ما كان عندك معدل عالي قووي و مستوفي كل متطلبات القبول وماصارت ان جامعه توب قبلت 50 كويتي مره وحده!

قسما بالله اعرف ناس دارسين ببريطانيا (England & Wales & Scotland) ومايعرفون انقليزي!! والله العظيم يدقون علي بالكويت ويقولووون : عنك بطل ايميلك دازيين لك بحث تكفى جيك عليه والمشكله ان تخصصهم هندسه وانا مو مهندس بس اجيك امري لله و مرات يطلبون مني اكتب لهم بحث! شلون؟ الحبايب مايعرفون انقليزي..! يقولون نقولك بالعربي وانت اكتب بالانقليزي. بالله عليكم الله يرضى؟!
والله اعرف طلبة هندسه جامعه الكويت يتكلمون انقليزي بطلاقة وعمرهم ماراحوا بريطانيا ولا امريكا.

واخرتها يي من برا ويتساوى مع اللي درس وكرف بالكويت وانشق شق!

بريطانيا وامريكا فيهم فساد خصوصا بريطانيا بالاونه الاخيره للي بيكمل هندسه! صار الوضع خري مري. خريج ادبي من الثانوية وداش كهربا وماي بالكويت ويروح بريطانيا سنه يكمل هندسه ويرجع الكويت يتساوى مع اللي درس 5 سنين بجامعة الكويت. بريطانيا صارت تبيع الشهادات يا عالم.
وواحد مسجل بجامعه ومايداوم والمصيبه هندسه مسجل وتخصصه ادبي واذا قلتله شنو تخصصك؟ يقول كيفيل انجنير الاخ يقصد Civil Engineering !!!

بسكم عاد ظلم و ظلم وحسد. لا يبا ماكو حسد ولا ظلم
تبي تدرس بجامعه بطيخ؟ ادرس من قاضبك لكن وقت التقديم بالكويت لازم خريجيين جامعه الكويت كلهم لهم اولويه عليك علشان ماتقول ظلم. الظلم انك تتقدم عليهم!

بسأل اي واحد( تخيل عندك شركه او مستشفى خاص او اي مشروع...)

ترضى توظف طبيب شهادته بطيخ؟! بذمتك ترضى دكتور بطيخ يعالجك!!؟
ترضى تخلي مهندس مايعرف انقليزي وشاري الشهاده يبني بيتك؟!
ترضى توظف محاسب بشركتك خريج هالدكاكيين؟!

عنك!!

الجامعات الخاصة هالسنة راح تستقبل من 300 طالب لين 600 او 800 طالب

المنحة الحكومية جم بتصير على جم طالب 50 طالب او 200 !!

والباجى ويين بالله انطر دورك

سلملي على ربعك اللى بالهندسة

عشان ربعة مايعرفون شي ركب الحق على الدنيا كلها

بنلقي باجر فوق العشر اللاف واحد حملة ثانوية عامة
اتمنى تقول حق حكومتك لما يكون بالكويت جامعات تشيل فوق ال70 الف طالب حزتها قولي ماكو تعليم برة الكويت اللا 50 طالب بكل كلية

ملاحظة اخيرة

ترى هالسنة جامعة الكويت يتوقعون عدد طلبة هالسنة 29 الف طالب بالجامعة ومتوهقين فيهم بعدبسبت العدد

 

[m1996]

ياليت يكون في حكمه لا نعلمها في هذا القرار

 

[كشك]

جامعات مصر الحكومية بالله في كويتي عاقل يدرس في مستوى معيشي هابط

تبون تقعدون الكويتي بين حفريات مصر وبهائمها

الجامعات الحكومية في مصر من اقوى الجامعاات ومو بالسهل النجاح فيها

 

[المتمكن]

القرار مو بالصوره هذه يا شباب!!

القرار 50 طالب فى التخصص مو فى الجامعه!!
يعنى يتم الجامعات المعترف فيها لو فرضنا 50 جامعه:
وتحتوى هالجامعات على كليات حقوق وتجاره وهندسه وووووووووو

مثلا 2500 طالب حابين يدرسون حقوق-------بكيفهم يدرسون حقوق بس كل كليه تضم 50 طالب كويتى فقط!!
يعنى يتوزعون على ال 50 جامعة المعترف فيها:
ولها ايجابيات العلميه وسلبيات

طبعا اكبر ايجابياتها الا اتوات اللى كانت تاخذهم رشا الصباح من الجامعات التى يتم الاعتراف بها بجره قلم منها انتهت!!
والايجابيه الثانيه ( الجامعات اللى يكثر بها كويتيون تكون علامه استفهام انها تتساهل)

والطريقة الصحيحه:
ان يسمح لاى انسان يتعلم باى مكان(حتى لو يشترى شهادته بكيفه)--------ولكن بعد حصوله على الشهاده يتم عرضه لاختبار بعدى(اى بعد الدراسه) عملى وتحريرى ليحصل على:.
اعتماد اكاديمى---بحيث اللجنه التى تقوم باالعتماد متخصصه ومشكله من جميع التخصصات فان تم عبور هذه اللجنه يتم اعتماده---وان لم يستطع عبورها ينقع شهادته!!

 

[عبدالله فيروز]

القرار يقول 50 بكل كلية

و معروف كل جامعة لا تقل عن 10 كليات​

 

[عبدالله فيروز]

الجامعات الحكومية في مصر من اقوى الجامعاات ومو بالسهل النجاح فيها

صح كلامك و انا درست الحقوق بالإسكندرية​

و ابي أشوف الشخص اللي يتطنز شنو يسوي في امتحاناتها​

 

[رُبـّـمــا]

القرار مو بالصوره هذه يا شباب!!

القرار 50 طالب فى التخصص مو فى الجامعه!!
يعنى يتم الجامعات المعترف فيها لو فرضنا 50 جامعه:



QUOTE]

عشان نستوعب بس ولا عليك امر ,.

شنو الضمان إنها 50 او 20 جامعه في كل دولة ؟

ولا هنت ممكن اعرف معلوماتك من وين استقيتها ,, هل بيدك مستند ..

انحاتي يا خوي ,,

انزين و جامعات لبنان ما عليها كلام والا مو معترفين فيها مولية ؟


بانتظار الرد ..
​

 

[رُبـّـمــا]

صح كلامك و انا درست الحقوق بالإسكندرية​

و ابي أشوف الشخص اللي يتطنز شنو يسوي في امتحاناتها​

اخوي عبدالله ,,

اشلون نظام الدراسة ..

سمعت انه في جامعات بدون انتظام تروح بالسنة مرتين ؟

هل صحيح هالكلام ؟

وهل هالجامعات اللي بمصر وبدون انتظام يعني الدكاترة يحضروني مو انتساب هل معتمدة عندنا ؟
​

 

[m1996]

نعم 50 طالب في كل كليه .. ولاكن رقم بسيط

وهل هو لكل مرحله 50
يعني نفرض جامعه س .. فيها 50 طالب سنه أولى و 50 في سنه ثانيه ؟ ؟

 

[عبدالله فيروز]

اخوي عبدالله ,,​

اشلون نظام الدراسة ..​

سمعت انه في جامعات بدون انتظام تروح بالسنة مرتين ؟​

هل صحيح هالكلام ؟​

وهل هالجامعات اللي بمصر وبدون انتظام يعني الدكاترة يحضروني مو انتساب هل معتمدة عندنا ؟​

الأخت السائلة ..

1 - الانتساب غير معترف به في دولة الكويت .. هذه نقطة .


2 - نظام الدراسة كالآتي ( في الكليات الأدبية ) :

السنة الأولى مثلا : مقسمة فصلين .. كل فصل 4 أو 5 مواد
الدوام من 3 - 4 أيام بالأسبوع , كل يوم 3 محاضرات مثلاً
يتم الامتحان مرتين في السنة .. يناير و يونيو .


3 - إليكِ هذه المفاجأة من العيار الثقيل :

نظراً لكثافة الدفعة ( حوالي 7 آلاف طالب و طالبة بالسنة الأولى) لا يوجد كشف غياب أو حضور

و طوال تواجدي لمدة 3 سنوات و نصف بكلية حقوق الإسكندرية لم أشاهد أي طالب كويتي !!

سوى طالبة كويتية واحدة و بمرحلة الدراسات العليا !!

بالرغم من تسجيل العشرات منهم في هذه الكلية .. لأنهم يأتون فقط وقت الامتحانات .


الزبدة : وزارة التعليم العالي تضحك على نفسها عندما لم تعترف بالانتساب

لأن الواقع العملي يقول : الانتظام كالانتساب بالكليات الحكومية الأدبية .

 

[رُبـّـمــا]

الأخت السائلة ..

1 - الانتساب غير معترف به في دولة الكويت .. هذه نقطة .


2 - نظام الدراسة كالآتي ( في الكليات الأدبية ) :

السنة الأولى مثلا : مقسمة فصلين .. كل فصل 4 أو 5 مواد
الدوام من 3 - 4 أيام بالأسبوع , كل يوم 3 محاضرات مثلاً
يتم الامتحان مرتين في السنة .. يناير و يونيو .


3 - إليكِ هذه المفاجأة من العيار الثقيل :

نظراً لكثافة الدفعة ( حوالي 7 آلاف طالب و طالبة بالسنة الأولى) لا يوجد كشف غياب أو حضور

و طوال تواجدي لمدة 3 سنوات و نصف بكلية حقوق الإسكندرية لم أشاهد أي طالب كويتي !!

سوى طالبة كويتية واحدة و بمرحلة الدراسات العليا !!

بالرغم من تسجيل العشرات منهم في هذه الكلية .. لأنهم يأتون فقط وقت الامتحانات .


الزبدة : وزارة التعليم العالي تضحك على نفسها عندما لم تعترف بالانتساب

لأن الواقع العملي يقول : الانتظام كالانتساب بالكليات الحكومية الأدبية .

اشكرك .. واسأل الله تعالى أن ييسر أمرك في الدنيا والآخرة ,,​

 

[Shja3]

الجامعات الحكومية في مصر من اقوى الجامعاات ومو بالسهل النجاح فيها

يامعود اذكر ربك تدخل الكويتي صعيد مصر جنة زلمة او فلسطيني

وبالكويت بتمشيها نظام بالدور وانت وحظك هالسنة يمكن تدش الجامعة ويمكن لا

 

[ودي أتغير ..]

الله كريم ..

 

[m1996]

في جامعات حكوميه في مصر .. الحظور مو الزامي ... فـ تحظرون الاختبارات فقط

 

[Shja3]

مو فاهم هالحكومة في بعض الامور

اول شي بلشو بالفرعيات

بعدين الدواوين

وبعدين الجنسية والجويهل

والحين الجامعات بالدول العربية لإنة الاغلبية بدو

اول مرة اشوف حكومة تعادى اكبر فئة بالمجتمع بهالطريقة

 

[! آلعلم آلوكآد }-]

ضيقوهآ آ آ آ :إستنكار:
آلسسعة لآ بآرك آلله في آلضيق آلسعة @@!
فيه شرط معقدني مو حآطينه بِ آلموضوع : شرط آلآبتعآث لِـ آلدرآسآت آلعليآ 30 سنة
ليش بِ آلله فيه نآس عندهآ طموح : تكمل ونسبهم تشرف :باكي:
بت على يقين آن حقيبة وزآرة آلتربية من يد تعيس في يد أتعس !

 

[مزدحم]

معقوله قطر اصغر منا وفيها جامعات !

الديار قامت يا خوي

تحسب البلدان كلها كويت !!

ناس تعمر ،

 

[مزدحم]

اللي يقولي الكويت باجر يصير فيها حمله الثانوية بالالالاف شدعوه! اذا ما درس ببريطانيا ولا مصر ولا ماراح يدش جامعه كلش! يا عزيزي في جامعات خاصة بالكويت والدوله مسويه بعثات داخليه. قرار ال50 طالب صائب ولا تقولي حسد ولا غيره. أسئلني انا عن جامعات بريطانيا وامريكا الخرطي اللي متروسة كويتيين. اعرف جامعه بامريكا وبتحفظ على ذكر اسمها (اتحدى احد مايعرفها ..موقعها باحدى الولايات الشماليه البارده معدل القبول لاي متقدم 99%! يعني قط اوراقك ونسبه عدم قبولك 1 بالمليون! ونسبه النجاح فيها 97% ونص مهندسين الكويت منها! حتى انها اسهل من كليه الهندسه (جامعه الكويت). بتقولي في جامعات توب ولا نظلمهم؟ اقولك ان الجامعات التوب مالها شغل بالكويت ولا فيك ولا بأي احد ان ما كان عندك معدل عالي قووي و مستوفي كل متطلبات القبول وماصارت ان جامعه توب قبلت 50 كويتي مره وحده!

قسما بالله اعرف ناس دارسين ببريطانيا (England & Wales & Scotland) ومايعرفون انقليزي!! والله العظيم يدقون علي بالكويت ويقولووون : عنك بطل ايميلك دازيين لك بحث تكفى جيك عليه والمشكله ان تخصصهم هندسه وانا مو مهندس بس اجيك امري لله و مرات يطلبون مني اكتب لهم بحث! شلون؟ الحبايب مايعرفون انقليزي..! يقولون نقولك بالعربي وانت اكتب بالانقليزي. بالله عليكم الله يرضى؟!
والله اعرف طلبة هندسه جامعه الكويت يتكلمون انقليزي بطلاقة وعمرهم ماراحوا بريطانيا ولا امريكا.

واخرتها يي من برا ويتساوى مع اللي درس وكرف بالكويت وانشق شق!

بريطانيا وامريكا فيهم فساد خصوصا بريطانيا بالاونه الاخيره للي بيكمل هندسه! صار الوضع خري مري. خريج ادبي من الثانوية وداش كهربا وماي بالكويت ويروح بريطانيا سنه يكمل هندسه ويرجع الكويت يتساوى مع اللي درس 5 سنين بجامعة الكويت. بريطانيا صارت تبيع الشهادات يا عالم.
وواحد مسجل بجامعه ومايداوم والمصيبه هندسه مسجل وتخصصه ادبي واذا قلتله شنو تخصصك؟ يقول كيفيل انجنير الاخ يقصد Civil Engineering !!!

بسكم عاد ظلم و ظلم وحسد. لا يبا ماكو حسد ولا ظلم
تبي تدرس بجامعه بطيخ؟ ادرس من قاضبك لكن وقت التقديم بالكويت لازم خريجيين جامعه الكويت كلهم لهم اولويه عليك علشان ماتقول ظلم. الظلم انك تتقدم عليهم!

بسأل اي واحد( تخيل عندك شركه او مستشفى خاص او اي مشروع...)

ترضى توظف طبيب شهادته بطيخ؟! بذمتك ترضى دكتور بطيخ يعالجك!!؟
ترضى تخلي مهندس مايعرف انقليزي وشاري الشهاده يبني بيتك؟!
ترضى توظف محاسب بشركتك خريج هالدكاكيين؟!

عنك!!

أحسنت

لا فض فوك ولا جف قلموك

يقولك مهندس يبي يقدم عندنا بالدوام قدمو له إختبار مستوى لخريجين الهندسة وأنا كنت مراقب عليه، الأخ خريج جامعة ببريطانيا معروفة يروحون لها خريجين معهد الكهرباء والماء وبعضهم ثانويته أدبي وبقدرة قادر يصير مهندس بأقل من سنتين، الإختبار كان باللغة الإنجليزية، توهق البطل !! حاولت إني أساعده مو علشان ينجح بس لا يجيب صفر فشلة رجال طول وعرض مهندس طالع من بيتهم والله عندي أختبار مستوى يجيب صفر ! الورقة بيضة، قلنا خل نساعده يخربط يجيب 40 % ويقول ما توفقت، تصدق أعطيه الاجابة مختصرة كلمة أو كلمتين يقول لي سبيلينج !!!
والله جريمة بحق البلد ولا حاسبوا اللي كان السبب وراح وخلى الطلبة اللي فتح لهم الباب هم ياكلونها.
حسبي الله ونعم الوكيل

،

 

[مزدحم]

بصراحة اعتقد انه قرار صائب جدا وانشالله يتم تطبيقه بحذافيره ومن غير اي تجاوزات!!!!​

وخل الناس تدرس... !!! لان الجميع قاعد يلاحظ مستوى مخرجات الجامعات المصرية واللندنية!!!!
فعلا شي محير.... ناس متخرجين من بعض جامعات لندن وللاسف ما يعرفون يكتبون أساميهم باللغة الانجليزية!!!​

أشلون متخرجين ؟؟؟؟ الله العالم............​

أكيد قرار صائب بس سالفة الخمسين أنا أشوفها غير قانونية

بس الشباب الله يهديهم يسوون ديوانيات هناك وتشوف إعلانات جامعاتهم على الدوار

يعني لو الجامعة فيها شوية مرونة هم يخربونها

وبعدين ترى العالم مليان دول غير مصر وبريطانيا، وكل كلية 50 مو كل جامعة.